இத்தாலி வீரருக்கு தடை

இத்தாலியைச் சேர்ந்த சைக்கிள் ஓட்ட வீரரான கியானி டா ரோஸ் (வயது23) லிக்குய்காஸ் அணிக்காக விளையாடி வந்தார். இவர் போட்டியின்போது ஊக்க மருந்து பயன்படுத்தியமையானது தெரிய வந்துள்ளது. இதையடுத்து கடந்த மார்ச் மாதம், பயிற்சியில் ஈடுபட்டிருந்தபோது கைதுசெய்யப்பட்டார். உடனடியாக அணியிலிருந்தும் நீக்கப்பட்டார்.
கியானியிடம் நீண்ட விசாரணை நடத்தப்பட்டது.விசாரணையின் முடிவில் இத்தாலியின் ஒலிம்பிக் சபை, கியானிக்கு 20 ஆண்டுகள் தடைவிதித்தது. இவருடன் சேர்ந்து டாவைடு லூகாட்டோ என்ற வீரருக்கு 8 ஆண்டுகளும், அல்பனோ கொராஜின் என்பவருக்கு இரண்டு ஆண்டுகளும் தடை விதிக்கப்பட்டுள்ளது. கேபரியலி போசிசோ என்ற வீரர் தவறு செய்தமை நிரூபக்கப்படாமையால் அவர் விடு விக்கப்பட்டார்.

உலக செஸ் - நேகி அபாரம்

இந்திய வீரர் பரிமார்ஜன் நேகி ரஷ்யாவில் நடக்கும் உலக செஸ் கோப்பை போட்டியில்,அபாரமாக வென்றார்.
முன்னணி வீரர் வாடிம் மிலாவுடன் (சுவிஸ்) மோதி, கடுமையாகப் போராடி வென்றார். இதனால் 2வது சுற்றுக்கு முன்னேறும் வாய்ப்பை நேகி அதிகரித்துக் கொண்டுள்ளார்.இந்திய வீரர்கள் சூர்ய சேகர் கங்குலி, சாண்டிபன் சந்தா இருவரும் முதல் சுற்று லீக் ஆட்டங்களில் வென்றனர். எனினும், ஹாலந்தின் எர்வினுடன் மோதிய மற்றொரு இந்திய வீரர் சசிகிரண் வெற்றி வாய்ப்பை வீணடித்து ஆட்டத்தை டிரா செய்தார். உலக ஜூனியர் சாம்பியனான அபிஜீத் குப்தாவும் ரஷ்யாவின் நிகிடா உடனான தனது ஆட்டத்தை டிரா செய்தார்.

நம்ம ஆளு புட்டுகிச்சு !!!!!!

செய்னா நேவல் தோல்வி

சீன சூப்பர் சீரிஸ் பாட்மின்டன் தொடரின் ஒற்றையர் இரண்டாவது சுற்றில் இந்தியாவின் செய்னா நேவல் அதிர்ச்சி தோல்வியடைந்து வெளியேறினார்.
சீன சூப்பர் சீரிஸ் பாட்மின்டன் தொடர் ஷாங்காய் நகரில் நடக்கிறது. பெண்கள் ஒற்றையரில் நேற்று நடந்த இரண்டாவது சுற்றுப் போட்டியில் இந்தியாவின் செய்னா நேவல், சீனாவின் ஜிங்யுன் ஜியாவை எதிர்கொண்டார். முதல் செட்டை செய்னா 21-17 என கைப்பற்றினார். பின்னர் ஜிங்யுன் இரண்டாவது செட்டை 21-8 என தன்வசப்படுத்தி, பதிலடி கொடுத்தார். வெற்றியாளரை நிர்ணயிக்கும் மூன்றாவது சுற்றில் தொடர்ந்து அபாரமாக ஆடிய சீன வீராங்கனை 21-13 என கைப்பற்றினார். இறுதியில் செய்னா 21-17, 8-21, 13-21 என்ற செட் கணக்கில் அதிர்ச்சி தோல்வியடைந்து, காலிறுதி வாய்ப்பை இழந்தார்.